Lítið sem ekkert tjón varð þegar eldur kviknaði í dúk við útvegg  tónlistarhússins Hörpu í gær og hafði starfsmönnum að mestu tekist að slökkva eldinn með handslökkvitækjum þegar Slökkvilið höfuðborgarsvæðisins kom á vettvang.  Þetta er í annað sinn á skömmum tíma sem eldur kemur upp í Hörpunni og því verður nú skerpt á öllum eldvarna- og öryggismálum á svæðinu.

Rannsóknir á álagsþoli sexstrendinganna, sem mynda glerhjúp suðurhliðar Tónlistar- og ráðstefnuhússins Hörpu, hafa leitt í ljós að veggurinn stenst ekki mesta vindálag sem búast má við á næstu 50 árum.  Að dómi aðalverktaka hússins, ÍAV, er nauðsynlegt að taka vegginn niður og endurbyggja. Að þeirra mati mun þessi framkvæmd ekki  seinka opnun hússins í maí á næsta ári.

Nú stendur yfir samkeppni á vegum Tónlistar- og ráðstefnuhússins Hörpu og Sinfóníuhljómsveitar Íslands um nýtt tónverk sem frumflutt verður við opnunarhátíð Hörpu í maí 2011.

Steinunn Birna Ragnarsdóttir, píanóleikari hefur verið ráðin tónlistarstjóri Hörpu en alls sóttu 24 um starfið. Capacent hafði umsjón með ráðningarferlinu.